Mga infra-projects ni Manay Gina sa Dagupan, ihinayag

Si Congresswoman Gina de Venecia habang nagbibigay ng gamot kontra sa liptopirosis kamakailan.

Dahil naniniwalang ang pagkakaroon ng maayos na infra-strucure ay isa sa susi para patuloy na umunlad ang Dagupan, maraming projects ngayon ang sabay-sabay na ipinapagawa ni Congresswoman Gina de Venecia, kabilang na ang mga kalsada sa Mayombo, Tapuac, Arellano-Bani at Lucao, at ang natapos nang Bonuan- Gueset Road. 

Ngayong 2012, ilan sa mga projects na natapos na rin ang kalsada sa Barangay 1;ang Bonuan- Boquig road; at ang kalsada sa harap ng eskuwelahan sa Pantal.

Eighty percent complete na rin ang drainage system ng Barangay 2, Barangay 3 at Poblacion Oeste, gayundin ang concrete pavement sa Carael, ang repair ng barangay hall ng Barangay 5 , ang repair ng Tambac road worth 2.5 million, at ang concreting ng Pantal road, Sitio China road sa Bonuan-Binloc, gayundin ang Phase 3 ng Mental Health Building.

Halos tapos na rin ang concrete pavement sa Zone 9 ng Malued, at ang pavement sa tabi ng basketball court sa Bacayao Norte, ang concreting ng Caranglaan Elementary School gym, ang improvement ng Day- Care Center sa Pogo- Chico, ang Arellano- Bani road sa Pantal, ang phase 1 ng covered court sa Pantal, worth one million, pati na ang shoulder sa tabi ng simbahan sa Bonuan- Binloc.

Ang mga proyekto naman na kanyang napondohan at gagawin, bago matapos ang taon, ay ang kalsada at drainage ng Jose de Venecia Hi-way na nagdurugtong sa Calasiao at Dagupan, at ang kahabaan ng A.B. Fernandez Avenue, na itataas ng isang metro.

Ipapagawa na rin ang repair ng covered court sa Bacayao Sur; ang concreting ng Arellano- Bani at Calmay- Carael road; ang drainage sa Calmay; ang covered court ng Pantal, worth 1. 5 million; ang repair ng Barangay Hall ng Caranglaan; isang school-building sa Dagupan City National High School; ang multi- purpose building sa Bonuan-Gueset; at ang Day-Care Center sa Bonuan Binloc.